Balama energetıkany damytý zor ınvestıtsııany talap etedi - Á. Maǵaýov
Búgin elordada VI Astana ekonomıkalyq forýmy aıasynda ótken «EKSPO-2017: Bolashaq energetıkasy jáne onyń ómirge áseri» atty baspasóz máslıhatynda «KAZENERGY» qazaqstandyq munaı-gaz jáne energetıka kesheni uıymdary» zańdy tulǵalar birlestiginiń bas dırektory Áset Maǵaýov osylaı málim etti.
Á. Maǵaýovtyń aıtýynsha, byltyr Qazaqstannyń energetıka salasynyń 2030 jylǵa deıingi damý perspektıvalary týraly sholý ázirlengen. Bul rette energotıimdilik baǵytynda iske asyrylatyn sharalar josparyna úlken qorlar qamtylǵan. Ekologııa baǵytyndaǵy is-sharalar aýqymyn júzege asyrý máseleleri boıynsha da birshama suraqtar barshylyq. «Bul rette biz energetıkanyń balama kózderin damytý maqsatynda aldymyzǵa úlken ambıtsııaly maqsat júkteımiz. Álbette bular aýqymdy ınvestıtsııany talap etpek. Degenmen, bizdiń energojúıemiz jańa elektr energııasynyń kózderin qabyldaýǵa ázirligi de mańyzdy bolmaq. Bul rette másele negizgi úsh faktordan turady. Olar: elektr energııasyn óndirýdiń ekonomıkalyq tıimdiligi, halyqtyń barlyq jigi úshin onyń qoljetimdiligi, sosyn ekologııa máselesiniń sheshim tabýy», - dedi ol.
Onyń aıtýynsha, EKSPO-2017-niń «Bolashaq energetıkasy» taqyrybyn qamtýy atalǵan úsh faktor boıynsha ortaq konsensýs tabýǵa septigin tıgizetin bolady.
