Balalyq shaq álemi qandaı ǵajap: 1 mıllıonnan astam bala fleshmobqa qatysty

ASTANA. QazAqparat – Halyqaralyq balalardy qorǵaý kúnine oraı elimizde eki kúndik «Balalyq shaq álemi qandaı ǵajap!» fleshmoby ótti. Oǵan respýblıka boıynsha 1 mıllıonnan asa bala qatysty, dep habarlaıdy QazAqparat Respýblıkalyq qosymsha bilim berý oqý-ádistemelik ortalyǵyna silteme jasap.

Fleshmobqa qatysýshylar qatarynda mektep oqýshylary men kolledj stýdentteri bar. Sharaǵa ata-analar da úles qosty. Sporttyq jáne shyǵarmashylyq fleshmob aıasynda 700 myńǵa jýyq bala toǵyzqumalaq, asyq atý sekildi ulttyq oıyndarǵa qatysyp, fýtbol, voleıbol, júgirý, tennıs, shahmattan jarysty. Sondaı-aq, 400-den asa bala óz ónerlerin kórsetip, án salyp, bı bıledi.

Ulttyq taǵamdar daıyndap, qolónerler buıymdarynyń kórmesin ótkizdi. Tanymal dızaıner, sportshy, óner ıelerimen kezdesti. Aıta ketsek, Oqý-aǵartý mınıstrliginiń qoldaýymen ótken fleshmob Qazaqstan halqy Assambleıasynyń bastamasymen uıymdastyryldy.