«Balalyq shaǵymnyń aspany» fılmniń túsirý toby múshelerine Memleket basshysynyń alǵyshaty tabys etildi
ASTANA. 29 sáýir. QazAqparat - «Qazaqfılm» kınostýdııasynda «Balalyq shaǵymnyń aspany» fılmiń túsirý toby múshelerine arnalǵan Memleket basshysy Nursultan Nazarbaevtyń alǵyshattaryn tabys etý rásimi boldy, dep habarlaıdy «Qazaqfılmniń» baspasóz qyzmeti.
Іs-sharaǵa QR halyq ártisi Nurjuman Yqtymbaev, rejısser Rústem Ábdirashev, ártister Erjan Jarylqasynov, Almagúl Álisheva, Ábilmansur Serikov, Eljas Álpıev, kompozıtor Qýat Shildebaev, stsenarıı avtory Shahımarden Qusaıynov, operator Aleksandr Rýbanov pen taǵy basqalar qatysty.
Esterińizge salar bolsaq, Elbasynyń balalyq shaǵy men jastyq shaǵy týraly túsirilgen týyndynyń tusaýkeseri Astanada ótken. Ol kásibı mamandar men qarapaıym kórermenderdiń tarapynan joǵary baǵalandy.
