«Balalyq shaǵymnyń aspany» fılmi tegin kórsetiledi
ASTANA. 12 qarasha. QazAqparat - Astana kınoteatrlarynda 2012 jyldyń 1 jáne 2 jeltoqsanynda qalanyń áleýmettik jaǵynan qorǵalmaǵan toptaǵy turǵyndaryna «Balalyq shaǵymnyń aspany» fılmi tegin kórsetiledi. Bul týraly astana.kz Astana qalasynyń resmı saıtynan habarlady.
Kórsetilim Tuńǵysh Prezıdent Kúnine oraılastyrylǵan.
«Balalyq shaǵymnyń aspany» - Rústem Ábdirashevtiń N.Á.Nazarbaevtyń balalyq jáne jastyq shaǵy týraly túsirgen kórkem kartınasy. Fılm «Ońshyldar men solshyldarsyz», «Dúnıe kindigi», «Eýrazııa ortalyǵynda» kitaptarynyń jelisi boıynsha túsirilip, Elbasymyzdyń ómirindegi naqty oqıǵalardy beıneleıdi.
