«Balalyq shaǵymnyń aspany» fılmi men kitaby satylymǵa shyqty

Drama janryndaǵy fılmniń rejıseri Rústem Ábdirashov. Rólderde Bıbigúl Tólegenova, Erjan Jarylqasynov, Nurjuman Yhtymbaev, Almagúl Álisheva, Natalııa Arynbasarova, Eljas Álpıev, Abilmansur Serikov, Nurlan Álimjanov syndy elimizge belgili akterler oınaǵan.

«Elimizdiń Prezıdenti Nursultan Nazarbaevtyń jastyq shaǵyn oınaý óte úlken jaýapkershilik ekendigin sezindim. Sondyqtan bastapqy kezde tolqýlar da boldy. Keıin stsenarııdiń jaqsy jazylǵandyǵynan óleńdetip júrip túsirip shyqtyq», -deıdi akter Nurlan Álimjanov.

Akter Nurjuman Yhtymbaev ta alǵashqy kezde rasymen de qobaljýlar bolǵandyǵyn, degenimen QR Mádenıet mınıstri Muhtar Qul-Muhammedtiń jáne «Qazaqfılm» dırektory Ermek Amanshaevtyń qoldaý kórsetip, aralasýy arqasynda sátti túsirip shyqtyq degen oıyn bildirdi. «Olar barlyq túsirgen dúnıeni qarap, fılmniń joǵary sapada shyǵýyna óz úlesterin qosty», -deıdi akter.