Balalaryńyzdy qosymsha bilim berý ortalyǵyna aparýdy toqtata turyńyzdar – bilim basqarmasy
NUR-SULTAN. QazAqparat – Koronavırýsqa baılanysty basqa óńirlerden kelgen 9172 stýdent turǵylyqty mekenjaıy boıynsha úılerine jiberildi. Bul týraly Nur-Sultan qalasy ákimdiginde elde engizilgen tótenshe jaǵdaı boıynsha QR Prezıdentiniń tapsyrmalaryn júzege asyrý aıasynda ótken onlaın brıfıngide aıtyldy, dep habarlaıdy QazAqparat tilshisi.
«Tehnıkalyq shyǵarmashylyq, óner mektepteri, mýzyka mektepteri sııaqty qosymsha bilim berý mektepteri de 5 sáýirge deıin kanıkýlǵa shyqty. Ata-analarǵa balalaryn qosymsha bilim berý ortalyqtaryna, úıirmelerge aparýdy toqtata turýdy usynamyz», - deıdi Nur-Sultan qalasy Bilim basqarmasynyń basshysy Sholpan Qadyrova.
Eske sala ketsek, búgin Nur-Sultanda koronavırýs juqtyrǵan taǵy 14 adam anyqtalǵany týraly jazǵanbyz.
