Balalarynyń týǵan kúninde kúre jolda kókpar uıymdastyrǵan Qonaev turǵyny keshirim surady
QONAEV. QazAqparat- Polıtseıler respýblıkalyq mańyzy bar tasjolda keshki ýaqytta kókpar tartqan shabandozdardy anyqtady, dep habarlaıdy QazAqparat tilshisi.
Bul týraly Almaty oblysynyń polıtsııa basshysy Baýyrjan Álenov óziniń Іnstagram-daǵy paraqshasynda málimdedi.
Aıtýynsha, osy jyldyń 2 qyrkúıeginde saǵat 21:40-ta Qonaev qalasynda ornalasqan «Bereke» kafesiniń janyndaǵy Almaty-Óskemen respýblıkalyq mańyzy bar avtojolynyń boıynda, bir top adam kókpar oıynyń ótkizgeni týraly habarlama túsken.
«1979 jyly týǵan azamat, balalarynyń týǵan kúnine oraı, Qonaev qalasynyń shetinde «Kókpar» ulttyq sporttyq is-sharasyn uıymdastyryp, oǵan basqa aýdandardyń sportshylary qatysqany anyqtaldy. Qazirgi ýaqytta polıtsııa qyzmetkerleri is-sharanyń uıymdastyrýshysy men qatysýshylaryn Qonaev qalalyq polıtsııa basqarmasyna jetkizdi. Barlyq qatysýshy QR ÁQBtK-niń 434, 406, 590-baby 5-bóligi boıynsha ákimshilik jaýapkershilikke tartyldy», - dep jazdy Baýyrjan Álenov.
Sonymen qatar, kókpardy uıymdastyrýshy bul áreketi úshin keshirim surady.
