Balalaryna jaýapsyz qaraǵan 2 myńnan astam ata-ana jazalandy
NUR-SULTAN. QazAqparat – Elimizde balalaryna jaýapsyz qaraǵan 2 myńnan astam ata-ana jazaǵa tartyldy. Bul týraly QR ІІM Ákimshilik polıtsııa komıteti tóraǵasynyń orynbasary Alekseı Mılıýk aıtty, dep habarlaıdy QazAqparat tilshisi.
«Jazǵy kezeń bastalyp, oqý sabaqtar aıaqtalǵannan keıin balalardyń jaraqat alý táýekeli nemese olarǵa qatysty jasalatyn quqyqqa qaıshy is-áreketter birshama artyp ketedi. Jasóspirimderdiń nemese olarǵa qarsy jasalatyn qylmystarǵa tán negizgi sebep - bos ýaqyttyń uıymdastyrmaýy jáne otbasydaǵy qolaısyz jaǵdaı. Polıtsııa esebinde 5 myńnan astam jasóspirim jáne 7 myń qolaısyz otbasy tur», - dedi komıtet tóraǵasynyń orynbasary Ortalyq kommýnıkatsııalar qyzmetindegi baspasóz máslıhaty barysynda.
Alekseı Mılıýktiń dereginshe, jyl basynan beri óz balalaryna tálim-tárbıe berýden jaltarǵany úshin eki myńnan astam ata-ana ákimshilik jaýapkershilikke tartyldy. Sonymen qatar shamamen 300-i polıtsııanyń ótinishhatymen ata-ana quqyǵynan aıyryldy.
«Jasóspirimderdiń zańdy ókilderiniń qaraýynsyz úı sanalmaıtyn ǵımarattardy jáne kóńil kóterý oryndarynda júrgeni úshin ákimshilik jaýapkershilik belgilengen», - dedi ol.
