Balalaryna bas-kóz bolmaǵan 57 myń ata-ana jaýapqa tartyldy
NUR-SULTAN. QazAqparat - Jasóspirimderdiń túngi ýaqytta oıyn-saýyq oryndarynda bolýyna jol bergeni úshin 700-den astam kásipker jaýapkershilikke tartyldy. Bul týraly onlaın brıfıngide QR ІІM Ákimshilik polıtsııa komıteti ıývenaldy polıtsııa jáne áıelderdi zorlyq-zombylyqtan qorǵaý bólimi bastyǵynyń orynbasary Dılbar Tólegenova aıtty, dep habarlaıdy QazAqparat tilshisi.
QR ІІM Ákimshilik polıtsııa komıteti ıývenaldy polıtsııa jáne áıelderdi zorlyq-zombylyqtan qorǵaý bólimi bastyǵynyń orynbasary Dılbar Tólegenovanyń aıtýynsha, Kámelettik jasqa tolmaǵandar arasyndaǵy quqyq buzýshylyqtyń aldyn alý maqsatynda polıtsııa organdary ishki ister organdarynda esepte turǵan 5000 jasóspirimmen, sondaı-aq 8000-ǵa jýyq jumyssyz otbasylarmen jeke-jeke profılaktıkalyq jumys júrgizedi (Bul otbasylarda 12000-nan astam bala tárbıelenýde).
Bıyl kámeletke tolmaǵandardyń túngi ýaqytta oıyn-saýyq oryndarynda nemese turǵyn úıden tys jerlerde zańdy ókilderiniń qaraýynsyz júrgeni úshin 57 myńnan astam ata-ana ákimshilik jaýapkershilikke tartyldy.
«Jasóspirimderdiń túngi ýaqytta oıyn-saýyq oryndarynda júrýine jol bergeni úshin 700-den astam kásipker jaýapkershilikke tartyldy. Kámeletke tolmaǵandardyń quqyqtary men zańdy múddelerin buzǵany úshin jyl saıyn 40 myńnan astam ata-ana men zańdy ókil ákimshilik jaýapkershilikke tartylady. Polıtsııanyń talaby boıynsha sot arqyly jyl saıyn myńǵa jýyq ata-anadan ata-analyq quqyqtarfynan aıyrylady nemese quqyqtary shekteledi», - deıdi ol.
