Balalaryn Koreıa men AQSh-ta oqytpaq bolǵan aqtóbelikter aldanyp qaldy
AQTÓBE. QazAqparat - Balalary úshin qolynda bar aqshasyn bergen aqtóbelik ata-analar polıtsııaǵa shaǵym túsirdi, dep habarlaıdy QazAqparat tilshisi.
Koreıa men AQSh-qa oqýǵa túspek bolǵan balalardyń ata-analary 24 jastaǵy qyzǵa aldanyp qalǵan. Sheteldik grantty ıelengisi kelgen aqtóbelikter 700 myńnan 2 mln teńgege deıin aqsha berdi.
"Aqtóbe qalasynyń turǵyny aǵaıyndy eki balany AQSh-qa grant negizinde oqýǵa jiberemin dep 780 myń teńge kóleminde aqsha bergen. Aqtóbe qalasynda úsh jábirlenýshi anyqtaldy. Osy derek boıynsha QR Qylmystyq kodeksiniń "Alaıaqtyq" baby boıynsha sotqa deıingi tergeý-tekserý amaldary júrgizilýde. Kúdikti Nur-Sultan qalasynda da birneshe adamdy aldap úlgergen, sol jaqta qolǵa tústi", - dep habarlady obdystyq PD baspasóz qyzmeti.
Aıta keteıik, kúdikti Nur-Sultan qalasynyń ýaqytsha ustaý ızolıatoryna qamaýǵa alyndy.
