Balalaryn ekpege ákeletin analar kóbeıdi – almatylyq pedıatr
ALMATY. QazAqparat - Almatyda balalaryna ekpe jasatatyn ata-analar sany artyp keledi. Bul týraly pedıatr maman onlaın-brıfıng barysynda aıtty, dep habarlaıdy QazAqparat tilshisi.
№32 qalalyq emhananyń pedıatrııa bóliminiń meńgerýshisi Ásel Elemesova balalarǵa tumaýǵa qarsy ekpeniń mańyzdylyǵyn aıtty.
«Tumaý – joǵary tynys joldarynyń qabynýy. Tumaý kezinde adamnyń qorǵanysh qabileti tómendeıdi, aýrý ary qaraı bakterıaldy pnevmonııaǵa asqynyp ketýi múmkin. Vaktsınatsııa 6 aıdan asqan balalardyń barlyǵyna jasalady. Eń aldymen, qaýip tobyna jıi aýyratyn balalar kiredi. 2019 jylmen salystyrǵanda balalaryna ekpe alǵysy keletin ata-analar sany artyp keledi», - dedi Ásel Elemesova.
Bıyl Almatyda 350 balaǵa tegin ekpe jasalady. Qazir olardyń 280-i ekpe alyp úlgerdi.
Vaktsınatsııa aldynda bala tolyq tekserýden ótedi. Eger qarsy kórsetkishter bolsa balaǵa ekpege tyıym salynady.
