Balalarymnyń muragerlik máselesin oılaǵan emespin - QR Prezıdenti
ASTANA. QazAqparat - Bloomberg News aqparattyq agenttigine suhbat bergen Qazaqstan Respýblıkasynyń Prezıdenti Nursultan Nazarbaev 2020 jylǵa deıin otstavkaǵa ketetin bolsa, zańǵa saı, Prezıdent qyzmetin Parlament Senaty jalǵastyratynyn eske saldy, dep habarlaıdy QazAqparat.
«Balalarymnyń muragerlik máselesin oılaǵan emespin. Sebebi, bul bizdiń elimizdiń zańyna jat. Bizdiń bıliktiń aýysýy - Konstıtýtsııada jazylǵan. Eger de men prezıdenttik merzimim aıaqtalmaı turyp, otstavkaǵa ketsem, Qazaqstan Parlamenti Senatynyń tóraǵasy prezıdent qyzmetin jalǵastyrady. 2020 jyly saılaý ótedi jáne sol saılaý kimniń prezıdent bolatynyn anyqtaıdy. ıAǵnı, bul másele konstıtýtsııaǵa saı sheshiledi. Sondyqtan, buǵan alańdamaý kerek. Jalpy, bılikke toqtalatyn bolsaq, Qazaqstanda prezıdenttik basqarý», - dedi N.Nazarbaev.
Prezıdent atap ótkendeı, óz tarıhynda eshqashan lıberaldy basqarý bolmaǵan qoǵam úshin, on toǵyzynshy ǵasyrdyń ortasynan beri Reseıdiń qol astynda bolǵan Qazaqstan úshin birden lıberaldy qoǵamǵa ótý durys bolmaıtyn edi.
