Balalary túngi ýaqytta dalada júrgeni úshin 60 ata-ana jaýapqa tartyldy
QYZYLORDA. QazAqparat-Qyzylorda oblysynyń aýmaǵynda 1-10 qarasha kúnderi aralyǵynda jasóspirimder qylmysyn eskertý jáne aldyn alý maqsatynda «Jasóspirim» is-sharasy ótkizilýde, dep habarlady QazAqparat oblystyq ІІD-ige silteme jasap.
Atalǵan keshendi sharaǵa ishki ister organdarynyń jeke quramy, jergilikti atqarýshy bılik, prokýratýra, bilim berý, densaýlyq saqtaý organdarynyń, sondaı-aq «Nur Otan» partııasynyń jastar qanaty fılıaly ókilderi qatysýda. Olar alkogoldi ishimdikter ishetin, zańdy ókilderiniń ilesip júrýinsiz túngi mezgilde nemese sabaq ýaqytynda tyıym salynǵan oryndardy jaǵalaıtyn kámeletke tolmaǵandardy anyqtaýmen, mektepter men lıtseı oqýshylaryna teris krımınogendik yqpaly bar, olardy bopsalaýmen aınalysatyn adamdardy izdep-tabýmen, sondaı-aq esirtki jáne psıhotroptyq zattardy tutyný faktilerin anyqtaýmen aınalysýda.
Іs-sharanyń bir kúninde ishki ister organdaryna barlyǵy 79 jasóspirim jetkizildi. Olardyń 6-aýy qańǵybastyqqa salynǵany úshin jetkizilse, 73-i túrli deńgeıdegi ákimshilik quqyq buzýshylyqtar jasaǵan. QR Ákimshilik quqyq buzýshylyq týraly kodeksiniń 127-baby boıynsha, ıaǵnı ata-ananyń nemese basqa da zańdy ókilderdiń balalardy tárbıeleý jónindegi mindetterdi oryndamaǵany úshin 4 ata-anaǵa jáne QR Ákimshilik quqyq buzýshylyq týraly kodeksiniń 442-baby boıynsha, saǵat 22.00-den 06.00-ge deıingi ýaqytta zańdy ókilderiniń erip júrýinsiz oıyn-saýyq mekemelerinde bolýy jáne saǵat 23.00-den 06.00-ge deıin zańdy ókilderiniń erip júrýinsiz turǵyn-jaıdan tys jerde bolǵany úshin kámeletke tolmaǵan 60 bala anyqtalyp, olardyń ata-analaryna nemese zańdy ókilderine ákimshilik shara qoldanyldy. Sondaı-aq, 7 jasóspirim men olardyń zańdy ókilderine hattamalar toltyryldy. Osyndaı hattama kámeletke tolmaǵandarǵa oıyn-saýyq mekemesine zańdy ókilinsiz kirýine jol bergeni úshin 1 oıyn-saýyq mekemesiniń meńgerýshisine berildi.
Sonymen qatar, is-shara barysynda ishki ister organdarynyń tizimdik jáne profılaktıkalyq esebine 12 jetkinshek, 7 qolaısyz otbasy esepke alyndy.
