Balalaryn terezeden laqtyryp jibergen anaǵa qatysty qylmystyq isti tekserý aıaqtaldy

PAVLODAR. KAZINFORM — Qazirgi ýaqytta kúdikti áıel óńirlik psıhıkalyq densaýlyq ortalyǵyna májbúrli túrde ornalastyrylǵan. 

Pavlodar oblystyq polıtsııa departamentiniń dereginshe, balalaryn terezeden laqtyrǵan anaǵa qatysty qylmystyq isti tergeý aıaqtalǵan.

— Qylmystyq is ári qaraı zerttep-zerdeleý úshin prokýratýraǵa jiberildi. Al eki balanyń anasyna (kúdikti) medıtsınalyq sıpattaǵy májbúrleý sharasy qoldanyldy. Ol oblystyq psıhıkalyq densaýlyq ortalyǵyna ornalastyryldy, — dep habarlady polıtsııadan.

Eske sala keteıik, 30 shilde kúni Pavlodarda áıel eki balasyn terezeden laqtyryp, ózi de sekirip ketken. 

Keıin áıel men eki balasynyń terezeden qulaýy boıynsha qylmystyq is qozǵaldy.

Al 1 tamyz kúni bıiktikten qulaǵan balalardyń biri kóz jumdy.

Dárigerler tiri qalǵan jetkinshektiń jaǵdaıy týraly aıtqan. 

Tamyz aıynyń ortasynda jetkinshek aýrýhanadan shyqqany týraly da habarlaǵan bolatynbyz. 

Zardap shekken bala Ekibastuzǵa qarasty aýyldardyń birinde turyp jatqanyn da jazǵanbyz. 

Al tamyz aıynyń sońynda qatigez ana aýrýhanadan shyǵarylǵan edi.