Balalaryn terezeden laqtyrǵan pavlodarlyq ana aýrýhanadan shyqty

PAVLODAR. KAZINFORM — Dárigerler oǵan ota jasap, osteosıntez júrgizgen. Áıel adam qazirgi ýaqytta densaýlyǵyna baılanysty mamandandyrylǵan mekemege aýystyryldy.

Pavlodardaǵy № 1 qalalyq aýrýhanada em qabyldaǵan áıel adam úıine shyǵaryldy. Dárigerler onyń jaǵdaıy qanaǵattanarlyq ekenin aıtady.

— Bizdiń qyzmetkerler naýqasqa eki ókshe súıeginiń osteosıntezi, sol jáne oń jaq ıyq súıekteriniń osteosıntezi operatsııalaryn júrgizdi. Aýrýhanadan jaǵdaıy jaqsy jaǵdaıda shyqty. Densaýlyq jaǵdaıyna baılanysty odan ári baqylaý úshin mamandandyrylǵan mekemege aýystyryldy, — dep habarlady № 1 aýrýhananyń baspasóz qyzmetinen.

Eske sala keteıik, 30 shilde kúni Pavlodarda áıel eki balasyn terezeden laqtyryp, ózi de sekirip ketken. 

Keıin áıel men eki balasynyń terezeden qulaýy boıynsha qylmystyq is qozǵaldy.

Al 1 tamyz kúni bıiktikten qulaǵan balalardyń biri kóz jumdy. 

Dárigerler tiri qalǵan jetkinshektiń jaǵdaıy týraly aıtqan. 

Jaqynda jetkinshek aýrýhanadan shyqqany týraly da habarlaǵan bolatynbyz. 

Zardap shekken bala qazirgi kúni Ekibastuzǵa qarasty aýyldardyń birinde turyp jatyr.