Balalaryn terezeden laqtyrǵan: dáriger tiri qalǵan jetkinshektiń jaǵdaıy týraly aıtty

PAVLODAR. KAZINFORM – Pavlodarda anasy terezeden laqtyryp jibergen jetkinshektiń biri – 7 jasar ul balanyń jambas súıegi synǵan. Qazir ol ýaqytyn qatań túrde tósek rejıminde ótkizip jatyr. 

Bala Pavlodar oblystyq balalar aýrýhanasynda em qabyldaýda. Onymen birge týystarynyń biri statsıonarda jatqany habarlandy. 

– Naýqas travmatologııalyq bólimshede ornalasqan. Jambas súıeginiń synýyna baılanysty qatań tósek rejımi saqtalyp otyr. Jaǵdaıy ortasha aýyr deńgeıde, turaqty, - dep habarlady óńirlik balalar aýrýhanasynan. 

Pavlodar qalalyq №1 aýrýhanasy er balanyń anasynyń jaǵdaıy turaqty, aýyrlyqtyń ortasha dárejesinde ekenin jetkizdi. Ony polıtravma bólimshesine aýystyrǵan. 

Eske sala keteıik, 30 shilde kúni Pavlodarda áıel eki balasyn terezeden laqtyryp, ózi de sekirip ketken. 

Keıin áıel men eki balasynyń terezeden qulaýy boıynsha qylmystyq is qozǵaldy. 

Al 1 tamyz kúni bıiktikten qulaǵan balalardyń biri kóz jumdy.