Balalarǵa Jańa jyldyq syılyqtardy pilder tapsyrdy
ASTANA. QazAqparat - Rojdestvo qarsańynda Taılandta balalarǵa pilder syılyq taratyp, máz qyldy.
Santa Klaýs keıpine engen pilder 30 gradýs shyjyǵan ystyqqa qaramastan, kóshelerge shyǵyp, búldirshinderdiń kózaıymyna aınaldy, dep habarlaıdy 24.kz. Koroldik pilder saıabaǵynyń belsendileri osylaısha birneshe myń oqýshy úshin mereke uıymdastyrdy. Olardyń aıtýynsha, pilder ózderine júktelgen mindetti abyroımen atqarýda.
«Balalar Santa Klaýs kıimin kıgen pilderge dán rıza. Bul - erekshe qubylys qoı. Pilder Taıland mádenıetiniń bir bóligi. Jurttyń merekelik kóńil-kúıi birshama kóterildi»,-deıdi osy merekelik sharany uıymdastyrýshylardyń biri Pol Kempbell.
