Balalarǵa seksýaldyq zorlyq-zombylyq kórsetý áreketteri aýyr qylmys retinde qarastyrylýy tıis - ІІM
ASTANA. Naýryzdyń 18-i. QazAqparat /Aıdar Ospanalıev/ - Eresekter tarapynan jasóspirimder men balalarǵa kórsetiletin zorlyq-zombylyq qatal jazalanýy tıis. Bul týraly búgin Parlament Májilisinde «Kámeletke tolmaǵandardyń quqyqtaryn qorǵaý salasyndaǵy zańnamalardy jetildirý» atty taqyrypta ótken dóńgelek ústel barysynda Іshki ister vıtse-mınıstri Aleksandr Kýlınıch málim etti,
dep habarlaıdy QazAqparat.
Onyń aıtýynsha, búgingi qoǵamda eresekterdiń balalarǵa seksýaldyq kúsh kórsetý áreketteri joq emes. Ókinishtisi mundaı áreketterdi ádette jábirlenýshi balalardyń jaqyndary jasaıdy. Keı jaǵdaıda tipti seksýaldyq zorlyq-zombylyqty balalarǵa olardyń ata-analary men olardyń qamqorshylary jáne ustazdary kórsetedi. «Naqty málimetterge súıensek, 2009 jyly Qylmystyq kodekstiń 122-shi baby boıynsha 95 qylmys jasalyp, olardyń barlyǵynda balalar zardap shekken. Sondaı-aq eresekterdiń eseıip qalǵan balalardy adamǵa tán emes azǵyndyq áreketterge ıtermeleýiniń 26 faktisi oryn aldy. Bálkim bul statıstıka úshin sonshalyqty alańdatarlyq málimetter emes shyǵar. Biraq bul bizdiń qoǵamymyzda múldem kónýge bolmaıtyn arsyz áreketter», dedi vıtse-mınıstr.
Onyń sózine qaraǵanda, búginde Qylmystyq kodekstiń 122-shi jáne 124-shi baptary boıynsha jaýapqa tartylatyn qylmystar orta deńgeıli bolyp esepteledi. ıAǵnı eki jaq bir-birimen kelisip jatsa, qylmystyq isti toqtatýǵa bolady. «Bizdińshe zańdaǵy mundaı kem-ketikter adamdyq qasıetten jurdaı azamattarǵa jaýapkershilikten jaltarýdyń taptyrmas joly. Sondyqtan biz osy baptar boıynsha beriletin jazany 7 jylǵa deıin sozýdy usynyp otyrmyz. Al bul degenińiz aýyr qylmystarǵa beriletin jaza», dedi A.Kýlınıch.
