Balalarǵa oraza ustaýǵa bola ma - Densaýlyq saqtaý mınıstri túsinik berdi

ASTANA. KAZINFORM – Ata-analar balasyna oraza ustaýǵa ruqsat berer aldynda jetkinshekterdiń densaýlyǵyna erekshe mán berýi kerek. Bul týraly Densaýlyq saqtaý mınıstri Aqmaral Álnazarova aıtty.

«Jalpy alǵanda, balanyń aǵzasy tez ósedi jáne kúndelikti kóp energııa jumsaıdy. Sondyqtan osy energııany ýaqyly tolyqtyryp otyrýy kerek. Atap aıtqanda, árbir ata-ana balalarynyń damýyna qatysty máseleni túsinýi kerek. Balanyń densaýlyǵy úshin ýaqytyly, sapaly ári teńgerimdi tamaqtanýy óte mańyzdy dep esepteımin», - dedi A. Álnazarova Parlamentte ótken jıynnan keıin tilshiler suraǵyna jaýap bere otyryp.

Bul rette ol jasóspirimderdiń densaýlyǵyna erekshe qaraý kerek ekenin aıtty.

«Meniń oıymsha, balanyń jas ereksheligin nazarǵa alý kerek. Ár ata-ana balasyna ruqsat berse, bul óz otbasy ishindegi jeke máselesi ekeni túsinikti. Biraq bala belgili bir jasqa deıin durys tamaqtaný kerek dep sanaımyn. Meniń oıymsha, 16-17 jasqa deıin, ıaǵnı barlyq organdarynyń tolyq qalyptasýyna mán berý kerek», - dedi mınıstr.