«Balalarǵa ómir syıla» qaıyrymdylyq sharasynyń nátıjesi boıynsha esep berildi
ALMATY. Jeltoqsannyń 22-si. QazAqparat / Ádilet Musahaev / - «Balalarǵa ómir syıla» qaıyrymdylyq sharasy barysynda 959 654 AQSh dollary jınalyp, Qazaqstan boıynsha 160 densaýlyǵy nashar balaǵa kómek kórsetildi.
Bul jaıynda «Meıirimdilik» erikti qoǵamynyń basshysy Arýjan Saın esep berý baspasóz májilisinde málimdedi, dep habarlaıdy QazAqparat.
Atalmysh birlestik qaıyrymdylyq sharasyn 2007 jyldan beri ótkizip keledi. Osy jyldar arasynda kóptegen adamdar men «Most otrıad» kompanııasy, «Dostar» qory jáne «Reseılik kómek qory» qol ushyn bergen.
«Búgingi baspasóz májilisi Tomsk kardıologııa bólimi dárigerleriniń Qazaqstanǵa kelýimen tuspa-tus kelip otyr. Olar osy joly júregi nashar balalarǵa tegin keńes beredi, bul olardyń qaıyrymdylyq qyzmetimen 4-shi ret kelýi. Tomsk dárigerleri «Barlyq balalarda biryńǵaı júrek» atty uranmen qyzmet kórsetpek. Keńes berý aıasynda dárigerler 150- deı qazaqstandyq balany qaraıdy, onyń 50-ne Tomsk ǴZI kardıologısynda operatsııa jasalǵan. Sonymen qatar birneshe balaǵa shet elde emdelýine jaǵdaı jasaldy. Munymen biz bul sharany toqtatpaımyz, áli de jalǵasyn taba bermek», deıdi A.Saın.
«Meıirimdilik» qoryna óz alǵysymdy bildirgim keledi, ulym Maksımniń júreginde aqaý bar edi, osy qordyń kómegimen Tomsk dárigerlerimen der kezinde baılanysyp, kómek kórsetildi», deıdi Valentına Logaıskaıa.
