Balalarǵa medıtsınalyq jedel ota jasaý máselesi boıynsha oń sheshim qabyldanady - Úkimet basshysy
ANA. 15 shilde. QazAqparat /Rýslan Ǵabbasov/ - Balalarǵa medıtsınalyq jedel ota jasaý máselesi boıynsha oń sheshim qabyldanady.
Bul týraly búgin Zakon.kz aqparattyq portalyndaǵy beıne-onlaın konferentsııa barysynda Premer-Mınıstr Kárim Másimov aıtty.
Onlaın-konferentsııa barysynda balalardy shetelde emdetý jáne medıtsınalyq jedel ota jasaýdy qajet etetin másele boıynsha saýal qoıyldy. Osy suraqtar aıasynda hırýrgııalyq otaǵa qarjylyq aýyrtpalyqtar jaıynda aıtylǵan.
Premer-Mınıstr balalarǵa medıtsınalyq kómek kórsetý boıynsha kelip túsken saýaldardy QR Densaýlyq saqtaý mınıstrine qarastyrýǵa tapsyrdy, sondaı-aq jaqyn kúnderi oń sheshim qabyldanatynyn aıtty.
«Men qajetti sheshimderdi qabyldaýǵa jáne kómektesýge daıynmyn. Jalpy osyndaı máselelerdiń tıisti sheshimin qabyldaýdy durys dep sanaımyn», - dedi K. Másimov.
Osy oraıda Úkimet basshysy atalǵan másele boıynsha arnaıy onlaın-konferentsııa ótkizý múmkindigin qarastyrý kerektigin atap ótti.
