Balalarǵa «qulpynaı kvık» kámpıtteri taratylyp jatqany ras pa - ІІM málimdemesi
ASTANA.KAZINFORM - WhatsApp jelisindegi chattarda mektepterde balalarǵa «qulpynaı kvık» kámpıtteri jáne quramynda esirtki — krıstaldy metamfetamın bar basqa da zattar usynylýy múmkin ekendigi týraly aqparat tarady.
Alaıda, ІІM bul aqparattyń shyndyqqa janaspaıtynyn habarlady.
- Qoǵamda dúrbeleń nemese basqa da jaǵymsyz saldardy týdyrýy múmkin kórineý jalǵan aqparatty taratý qylmystyq jaýapkershilikke ákep soǵatynyn este ustaý qajet.
Habarlamalardy taratpastan buryn barlyǵyn muqııat tekserip alǵan jón, - dep eskertti ІІM baspasóz qyzmetinen.
Sonymen qatar polıtsııa ata-analarǵa balalaryna túsindirý jumystaryn júrgizýdiń mańyzdy ekenin eske salady.
Buǵan deıin turǵyn úılerdiń kireberisterinde qaýipti QR-kodtary bar habarlandyrýlar ilingeni de feık bolyp shyqqan.