Balalarǵa qyzmet kórsetetin uıymdarǵa baqylaý men qadaǵalaýdyń erekshe tártibi engizildi
ASTANA. KAZINFORM - Zań 2026 jylǵy 1 aqpannan bastap kúshine enedi, dep habarlaıdy QR Densaýlyq saqtaý mınıstrligi Sanıtarııalyq-epıdemıologııalyq baqylaý komıtetiniń baspasóz qyzmeti.
Baspasóz qyzmetiniń málimetterine qaraǵanda, 2025 jylǵy 4 jeltoqsanda Memleket basshysy memlekettik bıýdjet qarajaty esebinen qarjylandyrylatyn jáne balalarǵa tamaqtaný, turý, medıtsınalyq kómek kórsetý, bilim berý, tárbıeleý jáne saýyqtyrý qyzmetterin kórsetetin uıymdar men obektilerge qatysty memlekettik baqylaý men qadaǵalaýdyń erekshe tártibin engizýdi kózdeıtin Zańǵa qol qoıdy.
Osy Zańnyń qabyldanýyna baılanysty Qazaqstan Respýblıkasynyń «Halyq densaýlyǵy jáne densaýlyq saqtaý júıesi týraly» kodeksine baqylaý is-sharalarynyń eki jańa formatyn aıqyndaıtyn ózgerister engizildi:
• josparly tekserýler;
• baqylaý sýbektilerin aldyn ala habardar etpeı jáne ákimshilik jaýapkershilik sharalaryn, onyń ishinde aıyppul salýdy qoldanbaı obektilerge baryp monıtorıng júrgizý.
- Qabyldanǵan túzetýler profılaktıkalyq jumysty kúsheıtýge, quqyq buzýshylyqtardyń aldyn alýǵa, sondaı-aq balalardyń qaýipsizdigi men quqyqtaryn qorǵaý deńgeıin arttyrýǵa baǵyttalǵan, - delingen habarlamada.
Osyǵan deıin elde balalar sportyn qarjylandyrý eki esege jýyq artatyny týraly jazdyq.