Balalarǵa qatysty zorlyq-zombylyq áreketter azaımaı otyr - ІІM
ASTANA. QazAqparat - Elimizde balalarǵa qatysty jasalatyn qylmystyń jalpy kórsetkishi ótken alty aıda eki esege jýyq, naqtyraq aıtqanda 3 myń 800-den 2 myńǵa deıin tómendedi.
Alaıda, balalarǵa qatysty zorlyq-zombylyq áreketteri azaımaı otyr. Búgin Astanadaǵy Ortalyq kommýnıkatsııalar qyzmetinde ótken brıfıngte Іshki ister mınıstrligi Ákimshilik polıtsııa komıtetiniń bólim bastyǵy Áset Ospanov osylaı aıtty. Brıfıng qylmystyq qastandyqtan bala quqyǵyn qorǵaý sharalaryna arnalǵan bolatyn.
«Osyǵan baılanysty biz balalarǵa qatysty qylmystyq qastandyqty qorǵaý sharalaryn kúsheıtip jatyrmyz. Jyl basynan beri ІІM basshylarynyń qatysýymen úsh keńes ótkizildi. Onyń qorytyndysy boıynsha aýmaqtyq departament basshylaryna birqatar tapsyrmalar júkteldi. Degenmen, balaǵa qatysty jasalatyn qylmystar kórsetkishiniń tómendemeýine birqatar sebep bar, eń bastysy ata-analardyń ózderi balalarǵa durys kóńil bólmeı otyr», - deıdi Áset Ospanov.
Onyń aıtýynsha, elimizde ártúrli quqyqbuzýshylyqtar jasaǵany úshin polıtsııaǵa jyl saıyn 100-120 myń bala ákelinedi. Solardyń basym bóligi túngi ýaqytta kámeletke tolmaǵan balalardyń bolýyna tyıym salǵan oryndardan ustalǵandar.
