Balalarǵa qatysty kıberbýllıng faktilerin qaraý erejesi bekitildi
ASTANA. KAZINFORM – Elimizde balalarǵa qarsy jasalatyn kıberbýllıngke qatysty aryz-shaǵymdy qaraýdyń naqty erejeleri bekitildi.
Mádenıet jáne aqparat mınıstriniń buıryǵyna, ıaǵnı «Mas medıa» týraly zańnyń 40 baby 1 tarmaǵyna sáıkes balalarǵa jasalatyn kıberbýllıngtiń aldyn alý jáne onymen kúrestiń joldaryn izdeıtin sarapshylar toby qurylady.
Balaǵa qatysty kıberbýllıng faktisi týraly ótinishti ata-anasy nemese zańdy ókili ýákiletti organnyń atyna jazbasha nemese elektrondyq tsıfrlyq qoltańbanyń kómegimen elektrondyq qujat túrinde qaldyra alady.
Ótinishti saraptama toby úsh jumys kúni ishinde qaraıdy. Biraq, ótinishti durys qaraý úshin mańyzdy aqparatty talap etýge baılanysty 15 kúnge deıin uzartylýy múmkin.
Balaǵa qatysty kıberbýllıng faktisi rastalǵan jaǵdaıda ýákiletti organ saraptama tobynyń sheshimi negizinde buqaralyq aqparat quraldarynan nemese onlaın-platformalardan aqparatty joıý jóninde nusqama jiberedi.
Mádenıet jáne aqparat mınıstriniń atalǵan buıryǵy 2025 jylǵy 28 qańtarda kúshine enedi.
Eske sala keteıik, 2023 jyly elimizde balalar kıberbýllıngimen kúres maqsatynda onlaın-platformalar týraly zań qabyldandy.