Balalarǵa qataldyq tanytqan: Qostanaıdaǵy jekemenshik balabaqsha tekseriletin boldy
QOSTANAI. KAZINFORM - Qostanaı oblystyq bilim basqarmasy jekemenshik balabaqshada balalarǵa qataldyq tanytý áreketine qatysty pikir bildirdi.
Qostanaı qalasynyń bilim bólimine jeke menshiktegi «Amanatık» JShS balabaqshasyna baryp júrgen balalardyń ata-analarynan shaǵym tústi. Osy shaǵymdaǵy faktiler negizinde mekemege tekserý júrgiziledi.
Vedomstvonyń habarlaýynsha, bul balabaqshada mektepke deıingi oqytý men tárbıeleýge memlekettik bilim berý tapsyrysy ornalastyrylǵan. Kelip túsken shaǵymdarǵa baılanysty mekemege arnaıy komıssııa jiberiledi.
- Mundaı jaǵdaıǵa jol berilmeıdi. Balalardyń ómir men densaýlyǵy, quqyqtarynyń qorǵalýy jáne olardyń qaýipsizdigin qamtamasyz etý basty basymdyq bolyp kelgen jáne solaı qala beredi, - delingen bilim bóliminiń habarlamasynda.
Sonymen qatar «Qarjy ortalyǵy» AQ-ǵa balabaqshany qarjylandyrýdy ýaqytsha toqtatý týraly hat joldandy.
Osyǵan deıin Qostanaıda jekemenshik balabaqsha qyzmetkerleri balalarǵa qatygezdik tanytqany týraly jazdyq.
