Balalarǵa qarsy qylmystardyń jolyn kesý mınıstrliktiń erekshe baqylaýynda - Nurdildá Oraz

NUR-SULTAN. QazAqparat – Balalarǵa qarsy qylmystardyń aldyn alý jáne jolyn kesý Іshki ister mınıstrliginiń erekshe baqylaýynda. Bul týraly QR Іshki ister mınıstrliginiń resmı ókili Nurdildá Oraz aıtty, dep habarlaıdy QazAqparat tilshisi.

«Іshki ister mınıstri Erlan Turǵymbaev vedomstvonyń qurylymdyq jáne aýmaqtyq bólimsheleriniń basshylarymen beınekonferentsbaılanys rejıminde jedel keńes ótkizdi, onda Prezıdent Qasym-Jomart Toqaevtyń Qazaqstan halqyna Joldaýyn sapaly jáne ýaqtyly iske asyrý úshin birqatar mindetterdi belgiledi. Joldaýda eldegi turaqtylyqty, azamattardyń tynyshtyǵy men qaýipsizdigin, olardyń quqyqtary men zańdy múddelerin qamtamasyz etýge erekshe nazar aýdarylǵan bolatyn. Balalarǵa qarsy jynystyq qylmystardyń aldyn alý jáne jolyn kesý mınıstrliktiń erekshe baqylaýynda. Sońǵy jyldary pedofılderdiń polıtsııanyń baqylaýynda bolý sharttary edáýir kúsheıtildi: olar jazasyn qaýipsizdigi joǵary túzeý mekemelerinde ótep jatyr», - dedi N. Oraz onlaın aptalyq brıfıngide.

Osy oraıda atalǵan qylmyskerlerge qatysty taraptardy tatýlastyrýǵa, shartty túrde sottaýǵa, jazany neǵurlym jumsaq túrge aýystyrýǵa, sondaı-aq shartty túrde merziminen buryn bosatýǵa tyıym salyndy.

«Qyzmetter men bólimshelerdiń basshylaryna mınıstr kámeletke tolmaǵandar arasynda jynystyq qylmystarǵa qarsy qylmystarǵa qarsy is-qımyldyń qosymsha sharalaryn belgiledi. Atap aıtqanda, bular - ákimshilik qadaǵalaýdy kúsheıtý jáne jazasyn ótegen pedofılderge qatysty elektrondyq baqylaý quraldaryn qoldaný», - dedi resmı ókil.

Eske sala kepteıik, bıylǵy Joldaýda Prezıdent Qasym-Jomart Toqaev balalarǵa, sonyń ishinde ata-ana qamqorlyǵynsyz qalǵan balalarǵa qarsy jynystyq qylmystardyń aldyn-alý jáne onyń jolyn kesý erekshe baqylaýda bolýǵa tıis ekenin qadap aıtty.