Balalarǵa qarsy qylmys 17 %-ǵa azaıdy – ІІM

NUR-SULTAN. QazAqparat – Elimizde balalar men jasóspirimderge qarsy jasalatyn qylmystyń deńgeıi 17 paıyzǵa azaıǵan. Bul týraly QR ІІM Ákimshilik polıtsııa komıteti basqarmasy basshysynyń orynbasary Jasulan Jumanalın málim etti, dep habarlaıdy QazAqparat tilshisi.

«Balalardyń qaýipsizdigin qorǵaý ishki ister organdarynyń qashanda basty nazaryńda. Jergilikti polıtsııa qyzmeti atalǵan sala boıynsha aýqymdy jumys istep jatyr. Sonyń biri - qoljetimdi polıtsııa jáne onyń qyzmetiniń mobıldiligi. Qabyldanyp jatqan sharalardyń nátıjesinde bıyl balalar men jasóspirimderge qarsy jasalatyn qylmys 17 paıyzǵa azaıdy. Sonymen qatar urlyq 2,5 esege kemidi. Odan bólek, balalarǵa álimjettik kórsetý 2 esege jáne buzaqylyq pen tonaý 3 esege tómendegeni baıqalady», - dedi Jasulan Jumanalın baspasóz máslıhatynda.

Onyń aıtýynsha, balalar men jasóspirimderge qarsy zorlyq-zombylyq kórsetkishi de azaıǵan.

«Bıyl 3 aıdyń ishinde balalarǵa qarsy zorlyq jasaý 19 paıyzǵa azaıdy. Bul baǵyttaǵy zańnama da únemi jetildirilip otyr. Memleket basshysy balalarǵa zorlyq jasaǵandardyń jazasyn qatańdatýdy tapsyrdy. Osy oraıda zorlyq-zombylyq aýyr qylmys túrine jatqyzyldy. Sol sııaqty pedofılder qatań rejımdegi mekemelerge jiberiledi. Olarǵa keshirý nemese merziminen buryn bosatý degen jeńildikter qarastyrylmaıdy», - deıdi ol.

Sondaı-aq, ІІM ókili qazaqstandyqtardy balalarǵa qarsy zorlyq-zombylyq jaǵdaıyna beıjaı qaramaýǵa shaqyrdy. ıAǵnı qandaı da bir faktiniń kýási bolsa, dereý polıtsııaǵa habarlaǵan jón.