Balalarǵa erte kómek kórsetý júıesi keńeıtildi: 290 ortalyq ashyldy

ASTANA. KAZINFORM — Bıylǵy jyly elimizde damýynda kemistigi bar balalardy erte anyqtaý jáne súıemeldeý júıesi aıtarlyqtaı nyǵaıtyldy. Bul týraly Densaýlyq saqtaý mınıstrligi málim etti.

— Ómirdiń alǵashqy aılarynan bastap damýynyń buzylý qaýpi bar balalardy erte dıagnostıkalaýǵa, aralasýǵa jáne keshendi qoldaýǵa baǵyttalǵan pedıatrııalyq kómek standarty jańartyldy, — delingen habarlamada.

MSAK uıymdarynyń bazasynda 290 erte damý jáne aralasý ortalyǵy ashyldy, sondaı-aq 139 pedıatrııalyq bólimshe quryldy.

— ıÝNISEF qoldaýymen jas balalardyń damýyn baqylaý boıynsha GMCD nusqaýlyǵy engizilýde. 18 master-jattyqtyrýshy oqytyldy. Barlyq óńirlerde kómektiń sapasyn arttyrý úshin patronajdyq baqylaýdyń ámbebap progressıvti modeli jáne balalar jasyndaǵy aýrýlardy ıntegratsııalanǵan basqarý boıynsha oqý-ádistemelik ortalyqtar quryldy, — dep habarlady vedomstvodan.

Turaqty oqytý baǵdarlamasyn, jýrnal klýbyn jáne shala týǵan balalardy kútý boıynsha neonataldyq meıirgerlerdi apta saıyn oqytýdy qosa alǵanda, mamandardy kásibı qoldaýdyń biryńǵaı júıesi qalyptastyryldy.

Erte kútimniń keshendi damýy náreste óliminiń tómendeýiniń jáne eldegi balalardyń ómir súrýiniń ósýiniń negizgi faktorlarynyń birine aınaldy.

Buǵan deıin habarlanǵandaı, Qazaqstanda náreste ólimi 22,7%-ǵa tómendedi.