Balalarǵa da vaktsına pasporty beriledi
ALMATY. QazAqparat - Vaktsınatsııalanǵan barlyq jasóspirimder eresekter sııaqty vaktsınatsııa pasportyn alady. Bul týraly brıfıng barysynda Jandarbek Bekshın málim etti, dep habarlaıdy QazAqparat tilshisi.
«Ata-anasy balaǵa ekpe salýdan bas tartsa, onda balasyn Qazaqstan Respýblıkasynyń Konstıtýtsııasynda kepildik berilgen densaýlyqty qorǵaý quqyǵynan aıyrǵany. Aıta keteıin, vaktsınatsııalanǵan barlyq jasóspirimder eresekter sııaqty vaktsınatsııa pasportyn alady»,-dedi Jandarbek Bekshın.
Aıta keteıik, búginnen bastap jasóspirimderge ekpe salý bastaldy.
Almaty qalalyq qoǵamdyq densaýlyq basqarmasy basshysynyń orynbasary Laýra Myrzaǵalıevanyń dereginshe, megapolıste 12-17 jas aralyǵyndaǵy 1 619 bala ekpe alýǵa daıyn.
«12-17 jastaǵy 1 619 balanyń vaktsına alǵysy keldi. Eger jasóspirim ata-anasynyń kelisiminsiz vaktsınatsııaǵa kelse, medıtsına qyzmetkerleri olarmen habarlasyp, kelisimin suraıdy. Tizimder bar, pedagogtar bizge kómektesedi», - dedi dáriger.
