Balalarǵa arnalǵan «Joshy han kim?» atty kitap jaryq kórdi
ASTANA. KAZINFORM – Jazýshy Ularbek Dáleıulynyń balalarǵa arnalǵan «Joshy han kim?» atty kitaby jaryq kórdi, dep habarlaıdy QazAqparat tilshisi.
Mazmundama baspasynan jaryq kórgen týyndy, balalardyń tarıhı tanymdyq kózqarasyn oıatýǵa úlken kómegin tıgizetinin aıtady jazýshy.
«Tarıhyn tanymaǵan ulttyń tamyry qýraıtyny belgili. Aldymyzdaǵy uly mindet – jas óskindi shyn tarıhymen sýsyndatý. Sol arqyly rýhy men namysyn túrtkileý. Al, rýhy berik, namysy oıaý ult eshkimge esesin jibermeıdi. Rýh pen namys bolsa, qalǵany óz aıaǵymen keledi. «Joshy han jaıly shaǵyn derekter jınaǵyn jazyńyzshy. «Joshy han degen kim» dep suraǵan oqýshylarǵa keıde ne aıtarymdy bilmeı qalamyn» dep júrgen muǵalimder úshin de bir sebi tıer degen oıdamyn. Kitaptyń derekter izine redaktsııa jasaǵan Joshy ulysyn ǵylymı-zertteý ınstıtýtynyń ǵalymdary», - deıdi jazýshy Ularbek Dáleıuly.
Aıta keteıik, Sáýir aıynda Ularbek Dáleıulynyń qazaq jáne álem ádebıetinde Joshy han jaıly jazylǵan tuńǵysh romany jaryq kórgen edi.
