Balalarǵa arnalǵan jobalar akseleratsııadan ótti
Aıta ketsek, bıyl «Rýhanı jańǵyrý» qazaqstandyq qoǵamdyq damý ınstıtýtynyń» bazasynda óz isin damytýǵa, transformatsııalaýǵa jáne masshtabtaýǵa suranysy bar uıymdar úshin áleýmettik jobalar akseleratory baǵdarlamasy iske qosylǵan bolatyn. «Ózgeristerdiń sarýarlary» jobasynyń birinshi jylynyń qorytyndysy boıynsha 120 jobanyń ishinen 20 úzdik áleýmettik bastama irikteldi. Akseleratsııa barysynda jobalar óz tájirıbelerin aımaqtarǵa keńeıtý úshin saraptamalyq qoldaý aldy.
Solardyń biri – «Otbasylyq aýla klýby»
. «Zamandas21» qoǵamdyq qory júzege asyratyn bul jobanyń arqasynda otbasyn qoldaý, balalar men ata-analardy tartý arqyly balalardyń bos ýaqytyn tıimdi ótkizýge baılanysty keshendi jumystar júrgizilgen. Qor jetekshileriniń aıtýynsha, mundaı joba búginde elimizde bireý-aq. ıAǵnı, shyǵarmashylyq, tehnıkalyq úıirmelerde, sport sektsııalarynda jáne tildik kýrstar ár balaǵa qoljetimdi. Sondaı-aq qorda ata-analarǵa arnalǵan «Baqytty otbasy» klýby, balalarǵa arnalǵan «Jas kóshbasshy» psıhologııalyq-túzetý toby jáne jasóspirimderge arnalǵan klýbtar bar.
«Zamandas21» qoǵamdyq qorynyń jetekshisi Lázzat Alshynovanyń aıtýynsha, áleýmettik jobalar akseleratsııasy olarǵa joba modelin odan ári jaqsartýǵa múmkindik bergen.
«Biz masshtabtaý jaǵdaıynda jobany kezeń-kezeńimen engizý algorıtmin egjeı-tegjeıli pysyqtadyq. Ásirese komandany oqytý paıdaly boldy. Bolashaqtaǵy josparlarymyz ózgergen joq. ıAǵnı, respýblıka kóleminde damyp, óńirlerge shyǵýdy kózdeımiz», – dep atap ótti Alshynova.
Ázirge joba Nur-Sultanda ǵana júzege asyrylyp otyr. Biraq kelesi jyly qosymsha eki klýb ashý josparlanýda. Respýblıka boıynsha jeti otbasylyq aýla klýby jumys isteıtin bolady. Bul turǵyda Atyraý, Almaty jáne Qaraǵandy qalalarynda qyzyǵýshylyq tanytqan.
Akseleratsııa baǵdarlamasynyń taǵy bir jobasy – «Salamatty bolashaq»
. Jobany «Samruk-Kazyna Trust» áleýmettik jobalardy damytý qorynyń aıasyndaǵy «Teń múmkindikter álemi» qoǵamdyq qory bjúzege asyryp otyr.
Olar dene shynyqtyrý jáne sport arqyly múgedek balalardy áleýmettik ońaltýmen aınalysady. Osy oraıda 2016 jyldan bastap Nur-sultan qalasynda ınklıýzıvti jáne beıimdeletin áleýmettik sektsııalar jelisi uıymdastyryldy. Jobanyń arqasynda 2020 jyly elimizdiń 9 qalasynda 560 bala sporttyń 10 túri boıynsha jyl boıy jattyǵýlar ótkizdi.
«Teń múmkindikter álemi» qorynyń dırektory Nurgúl Uljekovanyń sózine súıensek, akseleratsııa baǵdarlamasynan ótý nátıjesinde joba komandasy fandraızıng, áleýmettik jeliler úshin kontent-jospar qurý, áleýmettik kásipkerlik, jobalyq menedjment, turaqtylyqty qamtamasyz etý, kompanııanyń bedelin basqarý jáne BAQ-pen jumys máseleleri boıynsha bilimderin jetildirgen eken.
«Jobany aımaqtarǵa keńeıtý úshin bizge quqyqtyq máseleler boıynsha sarapshylardyń keńesi qajet boldy. Óıtkeni, respýblıkalyq masshtabqa ótý úshin biz qoǵamdyq birlestikti qoǵamdyq qor retinde qaıta qurýymyz qajet. Sondaı-aq, akseleratsııa barysynda jobany basqarý, CRM júıesin engizý jáne franchaızıng máseleleri boıynsha da bilimderimizdi keńeıttik», - dedi óz kezeginde Uljekova.
Kelesi jyly Aqtaý qalasynda múgedek balalarǵa arnalǵan sport sektsııalary ashylady jáne CRM júıesin ázirleýdiń arqasynda «Rýhanı jańǵyrý» qazaqstandyq qoǵamdyq damý ınstıtýtymen birlesip jobany basqarý úshin ınnovatsııalyq tehnologııalar engiziledi dep josparlanýda.
