Balalarǵa arnalǵan «Jasulan» oqýlyǵy jaryq kórdi
/strong>Naýryzdyń 31-i. QazAqparat /Ádilet Musahaev/ - Orys mektebiniń bastaýysh synyptaryna arnalǵan atalmysh kitapty Qazaqtyń memlekettik Abylaı han atyndaǵy halyqaralyq qatynastar jáne álem tilderi ýnıversıtetiniń dotsenti Kúpán Ermekova men «Skada LC» lıngvıstıkalyq ortalyǵynyń dırektory Symbat Qadyr birlesip shyǵarǵan,
dep habarlaıdy QazAqparat.
K.Ermekova kóp jyldar boıy jastarǵa ana tilin úıretetin oqý quralyn shyǵarýdy josparlap kelgendigin aıtady. «Buryn frantsýz tilin úıretýdiń ádistemelik quralyn jasaǵan tájirıbemniń arqasynda osyndaı kitapty jasadyq. Qazaq tilin úıretýdi mektepten, balalardan bastaǵandy jón kórdik», deıdi K.Ermekova.
Al, ekinshi avtor S.Qadyrdyń aıtýynsha, jańa oqýlyqta mektep baǵdarlamasyna sáıkes taqyryptar men ár modýlda fonetıkalyq jattyǵýlar, leksıkalyq materıal, grammatıkalyq erejeler, sózdik jáne ózin-ózi baqylaýǵa arnalǵan testiler bar.
«Qazir oqýlyq 10 myń dana taralymmen basylyp shyqty. 1200 bala osy oqýlyqpen oqyp ta jatyr. Sondaı-aq kitaptyń materıaldary dıskige jazylǵan», deıdi Symbat Qadyr.
Ortalyqazııalyq júıeli sheshimder qorynyń prezıdenti Maıra Salyqova atalmysh kitapta sóıleý daǵdysyn damytatyn kóptegen tapsyrmalar men ártúrli jattyǵýlardyń bar ekenin jetkizdi. «Oqýlyq kýrstarda, úıirmelerde, aýdıtorııalyq sabaqtarda jáne de kómekshi qural retinde ata-ananyń muǵalimniń basqarýymen, tipti ózi paıdalanýyna arnalǵan», dep atap ótti óz sózinde M.Salyqova.
