Balalarǵa arnalǵan «Tátti alma» ádebı jınaǵy jaryq kórdi
«Tátti alma» jınaǵynyń 1-2 tomy QR Tuńǵysh Prezıdenti-Elbasy N.Nazarbaevtyń Memlekettik tildi damytý qoryna ana tilimizdi damytý baǵytyndaǵy jobalarǵa bólgen qarjysyna 2015 jyly jaryq kórgen edi. Atalǵan jınaqtyń 3-4 tomdaryn shyǵarýǵa QR Tuńǵysh Prezıdenti-Elbasy qory qoldaý kórsetti.
Tuńǵysh Prezıdent qorynan málim etkendeı, sońǵy jınaqtarǵa jaqsylyq pen ásemdik, tabıǵatqa degen qamqorshylyq týraly ertegiler men teatrlyq qoıylymdar engen. Jınaqqa engen barlyq shyǵarmalardy «Tattialma.kz» saıtynan jáne «Tattialma» mobıldik qosymshasynan oqýǵa bolady.
«Rýhanı jańǵyrý» baǵdarlamasy men Elbasynyń «Uly dalanyń jeti qyry» maqalasynda aıtylǵan ıgi maqsattardy júzege asyrý aıasynda, qor qazaq halqynyń mádenı, ádebı jáne rýhanı jetistikterin damytýǵa baǵyttalǵan jumystaryn jalǵastyryp keledi.
Osyǵan oraı, «Uly dala ańyzdary» (Legendy velıkoı stepı) onlaın jobasy aıasynda veb-grafıkalyq romandar serııasyn ázirleýdi qolǵa alyp, qazaq, orys jáne aǵylshyn tilderindegi «Qazcomics.kz» veb-saıty men mobıldik qosymshasy ázirlendi.
«Uly dala ańyzdary» jobasy ǵasyrdan-ǵasyrǵa, urpaqtan-urpaqqa jetken qazaq halqynyń tarıhy men ańyzdary týraly syr shertetin «Uly mahabbat týraly jeti hıkaıa» jáne «Qazaq jeriniń uly batyrlary» dep atalatyn eki bólimnen turady. Ańyzdar mazmuny Qazaqstannyń kıeli oryndarynyń tarıhymen astasyp jatyr. Áńgimeler arqaýy kópshilikke kıeli jerler týraly tolyǵyraq málimet alýǵa múmkindik beredi.
Qazirgi tańda osy serııadan «Qozy-Kórpesh - Baıan sulý» jáne «Jumbaqtas» týyndylary jaryq kórdi.
Sharaǵa QR Tuńǵysh Prezıdenti-Elbasy qory atqarýshy dırektorynyń orynbasary - Sultan Aıtjanov, Memlekettik tildi damytý qorynyń dırektory Azat Sháýeev, belgili qoǵam qaıratkerleri men oqýshylar qatysty.
