Balalarǵa arnalǵan sport mektepteri jetkiliksiz - Sholpan Karınova

NUR-SULTAN. QazAqparat – Balalarǵa arnalǵan qosymsha sport mekemeleri jetkiliksiz. QR Bilim jáne ǵylym vıtse-mınıstri Sholpan Karınova aıtty, dep habarlaıdy QazAqparat tilshisi.

«Birinshiden, balalardyń basym kópshiligi mekteptiń jaǵdaıyndaǵy sportpen aınalysady. Jalpy, Qazaqstandaǵy 3,4 mln oqýshy úshin aptasyna úsh saǵattyq dene shynyqtyrý sabaǵy qoljetimdi, ıaǵnı balalardyń densaýlyǵyn eskere otyryp, úsh saǵatty qamtydyq. Ekinshiden, sportpen sektsııalarda aınalysý máselesine toqtalsaq, balalalar jáne jasóspirimderdiń sport mektepteriniń sany jetkiliksiz ekenin atap ótti. Sondyqtan 965 myń bala mekteptiń janyndaǵy sport sektsııasyna barady. Óıtkeni olarǵa qosymsha bilim (sport) mekemeleri qoljetimdi emes. Osy oraıda basym jumysty mekteptegi dene shynyqtyrý muǵalimderi júrgizip jatyr», - dedi Sh. Karınova Májilistiń Áleýmettik-mádenı damý komıtetiniń keńeıtilgen otyrsynda.

Onyń aıtýynsha, mektepterdiń ishindegi sport sektsııalarynyń sany 45 myńnan asady.

«Al naqty sport mekemelerine toqtalsaq, olardyń sany - 435. Ol jerde 346 myńnan astam ǵana bala qamtylǵan. Bul óz kezeginde jetkiliksiz», - dedi vıtse-mınıstr.

Budan buryn habarlanǵandaı, búgingi otyrys barysynda buqaralyq sport óńirlerdegi kóptegen azamat úshin áli de qoljetimdi emes ekeni aıtyldy.

Erlan Qojaǵapanovtyń sózine qaraǵanda, byltyr elimizdiń dene shynyqtyrý-sport qozǵalysyna 5,9 mln adam qatysqan.