Balalarǵa arnalǵan oıyn alańdaryn salýǵa 25 mln. teńge jınaldy
ASTANA. QazAqparat - Qaıyrymdylyq sharasy aıasynda balalarǵa arnalǵan oıyn alańdarynyń qurylysyna 25 mln. teńge tartyldy. Atalmysh qarajat Astanada 6-8 jeltoqsan kúnderi «Dara» qory úshin Constella, Damiani men LaPerla saýda markalary ótkizgen aýktsıonda jınaldy.
Aýktsıon aıasynda Janna Kan, Gúlnár Merǵalıeva, Erkesh Shákeev syndy metsenattardyń usynýymen birqatar lot qoıyldy. Arnaıy oıyn alańdaryn salý «Dara» qorynyń ıdeıasy, ol erekshe qajettilikteri bar balalardy qoǵamǵa beıimdeý, múmkindikterin óristetý maqsatynda jasalýda.
Mundaı alańdarda pandýstar ornatylǵan, tirek-qozǵalys apparat qyzmeti, estý, kórý qabileti buzylǵan balalarǵa ıkemdelgen, sonymen qatar qarapaıym balalarǵa da qyzyq bolatyny sózsiz. Qazir Qazaqstanda mundaı alańdar joqtyń qasy, sondyqtan da bolar, múmkindigi shekteýli balalar aýlada oıyn qyzyǵyna berile almaıdy, sondyqtan tórt qabyrǵada qalýǵa májbúr. Bul olardyń órisin ósirmeıdi, qoǵamǵa beıimdelýine jol ashpaıdy. Balalardyń oıyn alańdaryn jasaıtyn otandyq kompanııalar osyndaı arnaıy oıyn qurylǵylaryn jasaýǵa sonshalyqty qulyqty emes. 
