Balalarǵa arnalǵan ońaltý ortalyqtary barlyq aımaqta qoljetimdi bolýǵa tıis — Prezıdent
QONAEV. KAZINFORM — Qasym-Jomart Toqaev qazir elimizdiń áleýmettik salasynda aýqymdy jumys istelip jatqanyn aıtty. Bul týraly Aqordanyń baspasóz qyzmeti málim etti.
— Sońǵy úsh jylda 746 myń oqýshyǵa arnalǵan 600-ge jýyq mektep salyndy. Onyń úshten biri — «Keleshek mektepteri». Sondaı-aq 813 densaýlyq saqtaý nysany jáne 307 sport nysany ashyldy. Meniń tapsyrmammen Semeı, Taraz, Kentaý, Oral, Atyraý qalalarynda zamanaýı ońaltý ortalyqtary jumys isteı bastady. Qazirgi ýaqytta osyndaı ortalyqtar Aqtóbe, Kókshetaý, Taldyqorǵan, Shymkent shaharlarynda salynyp jatyr. Áleýmettik nysandar, sonyń ishinde balalarǵa arnalǵan ońaltý ortalyqtary barlyq aımaqta qoljetimdi bolýǵa tıis. Osyndaı nysandar elimizdiń aımaqtarynda áli jetkilikti emes. Sonyń saldarynan jurt Astana men Almatyǵa kóptep qonys aýdarýda. Bul — ımmıgratsııanyń teris sıpattaǵy úderisi. Barlyq ákimder osy sharýamen tııanaqty aınalysýy kerek. Prezıdent Ákimshiligi bul jumysty qadaǵalaıdy, — dedi Memleket basshysy.
Aıta ket eıik, Memleket basshysy Qasym-Jomart Toqaev elimizde ınvestıtsııalyq jobalardy iske asyrý úshin jer telimderin paıdalanýdyń aıryqsha sharttary ázirlengenin aıtty.
