Balalarǵa arnalǵan mekemelerdegi kameralardy tikeleı jaýapty organdarǵa qosý kerek – Ýákil

QARAǴANDY. QazAqparat – Bala quqyqtary jónindegi ýákil Dınara Zákıeva Qaraǵandy oblystyq balalarǵa arnaýly áleýmettik qyzmet kórsetý ortalyǵynda balalardyń jappaı ýlanýyna baılanysty qazir Qaraǵandyda. Bul týraly ol áleýmettik jelidegi paraqshasynda jazdy, dep habarlaıdy QazAqparat.

Ókinishke qaraı, bir bala qaıtys boldy. Onyń ata-anasyna qaıǵyra kóńil aıtamyn. Alty bala aýyr halde jan saqtaý bóliminde, jeti bala aýrýhanada jatyr. (Taǵy 2 bala tústi). Olardyń arasynda jetim balalar da bar. Qazirgi tańda bul oqıǵaǵa baılanysty qylmystyq is qozǵalyp, komıssııa quryldy. Ýlaný sebepterin anyqtaý boıynsha jumys júrip jatyr. Balalarǵa medıtsınalyq-áleýmettik qyzmetter kórsetetin 84 mekemeniń barlyǵynda Bas prokýratýra keshendi tekseris júrgizedi. Onyń 20-synda jetim balalar men ata-anasynyń qamqorlyǵynsyz qalǵan balalar turady

, - dep jazady Bala quqyqtary jónindegi ýákil.

Sonymen qatar, ol kúzde óńirlerge issaparlary aıasynda barlyq balalar mekemelerin tekserýdi josparlap otyrǵanyn jetkizdi.

Jalpy, bul salada qazir biz memlekettik organdarmen birge balalalarǵa arnalǵan mekemelerdegi kameralardy tikeleı TsOÝ men jaýapty organdarǵa qosý boıynsha jumys istep jatyrmyz. Sonymen katar, jumys júrgizý kerek taǵy biraz másele bar, solardyń ishinde: 1. Mamandardy daıarlaý sapasyn, olardyń deńgeıin nazarǵa alý kerek; sondaı-aq olardyń jalaqysyn arttyrýdy da qarastyrý qajet. 2. Balalardyń tamaqtaný normatıvterin qaıta qaraý jáne talaptardy qatańdatý qajet. Beıindi mınıstrlikpen bul boıynsha da jumys isteıtin bolamyz

, - deıdi Dınara Zákıeva.