Balalarǵa arnalǵan demalys ortalyqtarynyń jaǵdaıy qaraldy
ALMATY. Naýryzdyń 2-i. QazAqparat / Ádilet Musahaev / - Almaty qalasy Túrkisib aýdanyndaǵy balalardyń bos ýaqytyna arnalǵan demalys ortalyqtarynyń materıaldyq-tehnıkalyq bazasyn jetildirý qajet. Bul jaıynda búgingi ótken dóńgelek ústelde aıtyldy,
dep habarlaıdy QazAqparat.
Sharanyń negizgi maqsaty - qaladaǵy demalys ortalyqtaryndaǵy jastarǵa patrıottyq tárbıe berý, memlekettik tildi, mektepke deıingi tárbıeni jáne bilim berýdi damytý, jastar arasynda salaýatty ómir mádenıetin nasıhattaý jónindegi múmkindikterin qarastyrý.
Atalmysh aýdanda toǵyz ortalyq jumys istep, 1000-nan asa bala aqysyz bólimde shuǵyldanýda. Ortalyq basshylarynyń aıtýynsha, ondaǵy jumys «Jastar men jasóspirimder» qalalyq baǵdarlamasy aıasynda júrgizilýde. Eger materıaldyq bazasy jaqsaratyn bolsa, olar odanda kóp balaǵa qyzmet kórsetip, patrıottyq tárbıe berip, salaýatty ómir saltyn keńinen nasıhattaýǵa múmkindik týatyndyǵyn aıtýda.
Jıynǵa Almaty qalasy Jastar saıasaty jónindegi basqarmanyń, Túrksib aýdany ákimdiginiń, Almaty qalasy Jastar saıasatyn damytý memlekettik qorynyń, Túrksib aýdandyq «Nur Otan» HDP-nyń ókilderi jáne Almaty qalasy demalys ortalyqtarynyń jetekshileri men balalary qatysty.
