Balalarǵa arnalǵan «Aıalaǵan Astana» respýblıkalyq konkýrsy bastaldy (FOTO)
ASTANA. QazAqparat - Ótken demalys kúnderi «Aıalaǵan Astana» III respýblıkalyq pop-oryndaýshylardyń balalar konkýrsy bastaldy, dep habarlaıdy elorda ákimdiginiń resmı saıty.
Saraptaý kezeńderi Almaty jáne Taldyqorǵan qalasynda ótkizildi. 8 jáne 12 jas aralyǵyndaǵy ánshi balalardy irikteý endi barlyq oblystar ortalyqtarynda jalǵasyn tabady. Eki qalada ótkizilgen saraptaý kezeńderiniń qortyndysy boıynsha júzge jýyq bala saıysqa qatysýǵa ótinish bildirgen.
«Aıalaǵan Astana» balalar baıqaýy Astana qalasy ákimdigi men tanymal reseılik «ARS» kompanııasymen uıymdastyrylǵan. Konkýrsqa «Nur Otan» partııasy men «Qazaqstan» Ulttyq telearnasy qoldaý kórsetýde. Baıqaýdyń basty maqsaty - respýblıka boıynsha jas daryndardy taýyp, olardyń ónerin barsha halyqqa tanystyrý. Іrikteý kezeńiniń qortyndysy boıynsha 12 fınalıst iriktelip, jazǵy demalys ýaqytynda bir aıǵa Astanaǵa kelip, elordany tamashalaý múmkindigine ıe bolady, ári án aıtý, akterlik sheberlik, horeografııa jáne naǵyz kásibı orkestrmen án salý sheberlikterine úırenedi. Al baıqaýdyń aqtyq máresi «Qazaqstan» Ulttyq arnasynyń tikeleı efırinde Astana Kúni merekesin toılaý aıasynda 4-6 shilde aralyǵynda ótkiziledi. Bıylǵy baıqaý Qazaqstan halqy Assambleıasynyń 20 jyldyq mereıtoıyna arnalǵan.
«Aıalaǵan Astana» baıqaýynyń jeńimpazy Qazaqstan namysyn Halyqaralyq «Detskaıa Novaıa volna» - 2015 baıqaýynda qorǵaıtyn bolady. Ótken eki jylda bul saıysqa «Aıalaǵan Astana» baıqaýynyń jeńimpazdary kókshetaýlyq Bolat Batyrbaev pen astanalyq Muhammedáli Júginisov qatysqan bolatyn. 2013 jyly Bolat Batyrbaev baıqaýdyń eń stıldi ánshisi atalsa, 2014 jyly Muhammedáli Qazaqstanǵa alǵashqy laýreattyq ataq alyp keldi. Ol konkýrstyń 3-shi júldesin ıemdendi. Bıylǵy «Aıalaǵan Astana» baıqaýynyń qortyndysy qalaı bolatynyn ýaqyt kórseter. Al ázirshe respýblıka boıynsha baıqaýdyń irikteý kezeńi jalǵasady.
Astanadaǵy irikteý sáýir aıynyń 24-25 kúnderi Oqýshylar saraıynda ótkiziledi.
