Balalarǵa arnalǵan attraktsıondardyń ıelerine qoıylatyn talap kúsheıtiledi
ASTANA. 27 mamyr. QazAqparat - «QR Bilim jáne ǵylym mınıstrligi Balalar quqyǵyn qorǵaý jónindegi komıtet balarǵa arnalǵan attraktsıondar ıelerine talapty kúsheıtýdi usyndy», - dedi búgin ótken baspasóz máslıhatynda Komıtet tóraǵasy Raısa Sher.
Eske salaıyq, 24 mamyr, seısenbi kúni Mańǵystaý oblysyndaǵy Munaıshy kentinde daýyldy jeldiń saldarynan úrlemeli batýt aýdarylyp, sonyń saldarynan 14 bala zardap shekken bolatyn.
Birneshe bala oblys ortalyǵyndaǵy balalar aýrýhanasynyń hırýrgııa bólimshesine tússe, bir búldirshin jan saqtaý bóliminde jatyr. Mańǵystaý oblysy boıynsha Іshki ister departamenti abaısyza densaýlyqqa zııan keltirý faktisi boıynsha qylmystyq is qozǵady.
«Ne nársege bolsyn tyıym salý - ońaı sharýa. Másele tártip ornatýda. Sondyqtan QR Bilim jáne ǵylym mınıstrligi Balalar quqyǵyn qorǵaý jónindegi komıtet attraktsıondardaǵy qaıǵyly jaǵdaılarǵa baılanysty Indýstrııa jáne jańa tehnologııalar mınıstrligine attraktsıondandyń ıelerine jaýapkershilikti arttyrý jóninde Qazaqstan Respýblıkasynyń zańnamasyna ózgertýler engizý týraly usynymdar túsirdi», - dep atap ótti ol.
Sondaı-aq R.Sher, Komıtet óziniń quzyreti sheńberinde zardap shekken balalardyń ata-analaryna kómek kórsetýge daıarlyǵyn aıtty.
