Balalarǵa arnalǵan ádebı shyǵarmalardyń halyqaralyq báıgesi ótedi
ALMATY. Naýryzdyń 9-y. QazAqparat /Erlik Erjanuly/ - Sáýirdiń 20-synda balalarǵa arnalǵan ádebı shyǵarmalardyń "Daraboz" halyqaralyq báıgesine úmitkerlerdi qabyldaý rásimi aıaqtalady,
dep habarlaıdy QazAqparat.
Dástúrli túrde jyl saıyn ótetin bul sharanyń uıymdastyrýshysy "Jersý" korporatsııasy men Qazaqstan Jazýshylar odaǵy. Maqsat - jas óskindi óz kitabyna bet burǵyzý jáne balalarǵa arnalǵan ádebı shyǵarmalar jazatyn jazýshylarǵa qoldaý kórsetý. Oǵan 1-8 synyp oqýshylaryna arnalǵan prozalyq, poezııalyq jáne dramalyq shyǵarmalar qabyldanady. Qorytyndysy balalardy qorǵaý kúni qarsańynda shyǵarylatyn bul dodada Bas báıgege 350 myń teńge beriledi. Sondaı-aq 2 birinshi (170 myńnan, 2 ekinshi (80 myńnan), 3 úshinshi (50 myńnan) oryn jáne birneshe yntalandyrý syılyqtary (36 myńnan) taǵaıyndalyp otyr. Júlde alǵan shyǵarmalar kitap bop basylyp shyǵyp, respýblıkadaǵy barlyq bilim berý mekemelerine taratylmaq.
