«Balalardyń joldaǵy qaýipsizdigi» respýblıkalyq aktsııasy bastaldy
«Balalardyń jol-kólik oqıǵalarynda jaraqattanýynyń aldyn alý maqsatynda ІІM osy jyldyń 27 naýryzy men 10 sáýiri aralyǵynda «Balalardyń joldaǵy qaýipsizdigi» atty respýblıkalyq keń aýqymdy aktsııany bastady. Kámeletke tolmaǵandardyń qatysýymen oryn alatyn jol-kólik oqıǵalarynyń 90 paıyzy júrgizýshilerdiń kinásinen oryn alady. Olarda zardap shekken balanyń jartysy avtokólikte jolaýshy retinde bolady», - dedi Shuǵyla Turlybek Іshki ister mınıstrliginiń baspasóz qyzmeti alańynda ótken brıfıng barysynda.
Onyń atap ótýinshe, aktsııa barysynda patrýldik polıtsııa narıadtarynyń beketteri men patrýldeý baǵyttary oqý oryndaryna barynsha jaqyndatylady. Bul rette, balalar jol-kólik jaraqatynyń negizgi sebepteri sanalatyn júrgizýshiler tarapynan bolatyn Jjol júrisi qaǵıdalaryn buzýshylyqtardyń jolyn kesýge erekshe nazar aýdarylady.
«Aktsııa aıasynda polıtsııa qyzmetkerleri balabaqshalar men mektepterde jasóspirimderdiń joldarda qaýipsiz minez-qulyq daǵdylaryn qalyptastyrý maqsatynda taqyryptyq sabaqtar ótkizedi. Taksomotorlyq kompanııalarda kólik quralynyń júrgizýshilerimen, sondaı-aq perınataldyq ortalyqtarda bolashaq ata-analarmen balalardy tasymaldaý qaǵıdalaryn saqtaý boıynsha jekelegen áńgimeler júrgizedi. Balalardyń jol-kólik jaraqattanýynyń aldyn alýǵa baǵyttalǵan basqa da birqatar is-shara josparlanǵan», - dedi ol.
