Balalardyń jolda jaraqat alýyna qandaı áreketter jıi sebep bolady
NUR-SULTAN. QazAqparat – ІІM Ákimshilik polıtsııa komıteti tóraǵasynyń orynbasary Jandos Muratálıev kámeletke tolmaǵan jetkinshekterdiń qatysýymen bolatyn jol-kólik oqıǵalaryna sebep bolatyn ereje buzý áreketterin atady, dep habarlaıdy QazAqparat tilshisi.
«Balalardyń jol-kólik jaraqaty máselesine jurtshylyq nazaryn aýdarý úshin «Qaýipsiz mektep avtobýsy», «Nazar aýdaryńyz, balalar!», «Nazar aýdaryńyz-jaıaý júrginshi!», «Ata-analar, balalardyń ómirine qamqorlyq jasańyzdar!», «Balalar, jolda abaı bolyńyzdar!», «Sizdiń jolaýshyńyz-bala» degen sııaqty túrli profılaktıkalyq is-sharalar júıeli túrde ótkizilip turady. Máselen, 12-14 mamyr aralyǵynda respýblıka kóleminde «Nazar aýdaryńyz - balalar!» atty aýqymdy jedel profılaktıkalyq is-sharasy ótkizildi. Nátıjesinde kámelettik jasqa tolmaǵandardyń qatysýymen jol-kólik oqıǵasyna sebep bolatyn 16 myńnan ereje buzý áreketiniń joly kesildi», - deıdi komıtet ókili.
ІІM-niń esmı deregine súıensek, tirkelgen 16 ejereje buzý faktisiniń qurylymyn mynadaı:
- qıylystardan ótý erejesin buzýdyń 1223 faktisi;
- jaıaý júrginshiler ótkelinen ótý erejesin buzýdyń 1415 faktisi;
- balalardy tasymaldaý erejesin buzýdyń 1348 faktisi, onyń ishindebalaǵa arnalǵan kreslolardy paıdalanbaýdyń 485 oqıǵasy;
- marshrýttyq kóliktiń toqtaý erejesin buzǵan 507 faktisi tirkelgen.
