Balalardyń jazǵy demalysyn uıymdastyrý boıynsha respýblıkalyq semınar-keńes ótti
ASTANA. 28 sáýir. QazAqparat - Búgin Astanada on-laın rejiminde 2012 jyly jazǵy saýyqtyrý maýsymyn uıymdastyrý boıynsha respýblıkalyq semınar-keńes ótkizildi.
Keńes aıasynda Densaýlyq saqtaý, Bilim jáne ǵylym, Іshki ister, Tótenshe jaǵdaılar mınıstrlikteriniń ókilderi bilim berý mekemeleri men uıymdarynyń basshylarymen birlesip, balalardyń ómiri men densaýlyq qaýipsizdigin, jazǵy demalys nysandarynyń órt qaýipsizdigin qamtamasyz etý, bos ýaqytty uıymdastyrý jáne basqa da máselelerdi talqylady. Bul týraly Densaýlyq saqtaý mınıstrliginiń baspasóz qyzmetinen habarlandy.
Basqosý qorytyndysyna oraı, sharaǵa qatysýshylar Qazaqstan Respýblıkasy Úkimetiniń 2012 jylǵy 31 qańtardaǵy № 178 qaýlysymen bekitilgen «Sanatorlyq jáne saýyqtyrý nysandaryna qoıylatyn sanıtarlyq-epıdemıologııalyq talaptar» erejeleriniń talaptaryn saqtaý, tamaqtanýdy uıymdastyrýǵa qoıylatyn talaptardy saqtaý máseleleri boıynsha usynymdar ázirledi. Sonymen qatar, jappaı tamaqtanýdan ýlaný men jiti ishek ınfektsııalarynyń aldyn alý boıynsha, sondaı-aq nysandarda dezınfektsııalyq is-sharalardy ýaqytyly jáne sapaly júrgizý máselelerin qamtıtyn usynystar da qaraldy.
