Balalardyń jappaı gepatıt aýrýyna shaldyǵýyna kináliler zańǵa saı jazalanady - Bas prokýratýra
ASTANA. Aqpannyń 18-i. QazAqparat /Aıdar Ospanalıev/ - Balalardyń jappaı gepatıt aýrýyna shaldyǵýyna qatysty Almaty qalalyq prokýratýrasy tıisti tekserýler júrgizilýde.
Sonymen qatar Bas prokýratýra Densaýlyq saqtaý mınıstrligi júrgizgen tekserýlerdiń materıaldaryn aldyrtyp, olardy saraptaýda. Bul týraly búgin Bas prokýratýranyń resmı ókili Nurdáýlet Súıindikov jýrnalıstermen bolǵan aptalyq brıfıngte málim etti, dep habarlaıdy QazAqparat.
Onyń sózine qaraǵanda, eger tekserýler barysynda zań buzýshylyqtar, nemese qandaı da bir qylmystyń belgileri anyqtalatyn bolsa, prokýratýra zańmen kózdelgen yqpal etý sharalarynyń barlyǵyn qoldanady. ıAǵnı osy jaǵdaıdyń oryn alýyna kináli azamattar jaýapqa tartylady. «Osy oraıda aıta ketetin jaǵdaı, biz osyndaı indetterge shaldyǵý jaǵdaılaryn erekshe baqylaýda ustaımyz. Barshaǵa málim, ótken jyly Ońtústik Qazaqstan oblysynda qyrym qandy bezgegi tarap, eń alǵash bolyp bul máseleni prokýratýra organdary baqylaýǵa alyp, qylmystyq is qozǵady. Sondaı-aq atalmysh jaǵdaı aqparat quraldarynda da jarııalandy. Budan soń qylmystyq is sotqa joldandy. Nátıjesinde 6 medıtsına qyzmetkeri qylmystyq jaýapqa tartylýda. Olar qyzmet babyn talapqa saı atqarmaǵandary jáne resmı qujattarǵa jalǵan málimetter engizgenderi úshin, sondaı-aq óz qyzmetine selqos qaraǵany úshin aıyptalyp otyr. Qylmystyq isti Túrkistan qalalyq soty qaraýda», dedi resmı ókil.
