Balalardyń zańdy quqyǵyn buzǵandarǵa qatań shara qoldanamyz - Shókeev
Ortalyq kommýnıkatsııalar qyzmetiniń kóshpeli brıfıngi barysynda BAQ ókilderi ákimnen: «2019 jyly Túrkistan oblysyndaǵy ınternatta múgedek balalar ash qaldy degen aqparat tarady. Dırektordy qyzmetinen bosatý usynyldy. 2020 jyly da Túrkistan oblysy daýdyń ortasynda qaldy. 2021 jyly Eńbek jáne halyqty áleýmettik qorǵaý mınıstrliginiń tekserýlerinen keıin taǵy da faktiler belgili boldy. Bul baǵytta qandaı is-sharalar atqarylmaq ?», - dep suraǵan edi.
Osy rette Túrkistan oblysynyń ákimi bul máseleni jiti baqylaýynda ustap otyrǵandyǵyn basa aıtty.
«Shynymen de, mundaı faktiler boldy. Qarjylyq nemese sharýashylyq ne balalardyń zań quqyqtaryn saqtaýǵa qatysty kez kelgen buzýshylyq boıynsha qatań sharalar qoldanatyn bolamyz. Jergilikti polıtsııa basshysyna, prokýratýraǵa zań buzýshylardyń jolyn kesýge jáne jazalaý tapsyrma berdim. Bizde arnaýly komıssııa bar. Biz bul máselege aıryqsha mán beremiz», - dep jaýap berdi Ómirzaq Shókeev.