Balalardyń uıaly telefondaryn urlady degen kúdikpen elorda turǵyny ustaldy
NUR-SULTAN. QazAqparat - Nur-Sultan polıtsııasy balalardyń uıaly telefondaryn urlaýmen aınalysyp jurgen elorda turǵynyn ustady, dep habarlaıdy QazAqparat qalalyq Polıtsııa departamentine silteme jasap.
«Buryn sottalǵan elorda turǵyny balalardan uıaly telefondardy urlaýmen aınalysqan. Kúndizgi ýaqytta ol úılerdiń aýlasynda júrip, uıaly telefondaryn qaraýsyz qaldyrǵan balalardyń ańǵaldyǵyn paıdalanyp, urlyq jasaǵan. Jedel-izdestirý is-sharalary barysynda kúdikti balalardan telefon urlap jatqan kezinde ustaldy. Qazirgi ýaqytta ol 2 urlyqty jasaǵanyn moıyndady», - delingen habarlamada.
Departamenttiń deregine súıensek, búginde onyń basqa da qylmystarǵa qatystylyǵy tekserilýde.
Osy turǵyda elordalyq polıtsııa qyzmeti atalǵan tulǵanyń zańsyz áreketinen zardap shekken azamattardy Beıbitshilik kóshesi 19 mekenjaıynda ornalasqan Nur-Sultan qalasy Polıtsııa departamentine júginýlerin nemese 8 (7172) 71-60-24, 71-60-69 ne bolmasa «102» telefon nomeri boıynsha habarlasýlaryn suraıdy.
Sondaı-aq astanalyq tártip saqshylary qaladaǵy 250 sporttyq nysanǵa, onyń ishinde fýtbol, basketbol alańdaryn, sondaı-aq oqý mekemeleriniń aýmaǵyndaǵy alańdardy aralap, reıd júrgizdi.
«Aralaý barysynda túsindirme jumystary júrgizilip, jeke jáne senip tapsyrylǵan múlikke muqııat bolý týraly aqparattyq jadynamalar taratyldy. Buǵan qosa oıyn jáne fýtbol alańdarynda júrgen kámeletke tolmaǵandarǵa velosıpedterin, samokattaryn jáne basqa da múlikterin qaraýsyz qaldyrmaý týraly eskertildi», - dep málimdelgen taratylǵan aqparatta.
Odan bólek, polıtsııa ınspektorlary ata-analarmen jáne úılerdiń turǵyndaryn qoǵamdyq tártipti buzbaýǵa shaqyra otyryp, túngi ýaqytta tynyshtyqty buzǵany úshin ákimshilik jaýapkershiliktiń qarastyrylatyny jóninde túsindirme jumystaryn júrgizdi.
