Balalardyń tutyný sebeti engizile me – vıtse-premer jaýap berdi
NUR-SULTAN. QazAqparat – QR Premer-Mınıstriniń orynbasary Eraly Toǵjanov balalardyń tutyný sebetin engizý múmkindigi týraly túsinik berdi, dep habarlaıdy QazAqparat tilshisi.
Balalarǵa arnap jeke tutyný sebetin engizý týraly depýttatyq saýalǵa jaýap bergen vıtse-premer bul usynystyń qazir orynsyz ekenin túsindirgen.
«Bir adamǵa shaqqandaǵy eń tómengi aqshalaı tabysty anyqtaý úshin eń tómengi kúnkóris deńgeıi qoldanylady. Ol adam ómirin qamtamasyz etý úshin qajetti azyq-túlik ónimderiniń, taýarlar men qyzmetterdiń eń tómengi jıyntyǵyn bildiredi. Onyń mólsheri balalardy qosa alǵanda jan basyna shaqqanda jáne halyqtyń jynystyq-jas toptary boıynsha esepteledi», - degen Eraly Toǵjanov óz jaýabynda.
Onyń aıtýynsha, qazirgi eń tómengi kúnkóris deńgeıiniń azyq-túlik qorjynyna táýligine 2175 kkal energetıkalyq qundylyqty qamtamasyz etetin tamaq ónimderiniń 43 ataýy kiredi. Bul tizim Tamaqtaný ınstıtýtynyń usynymdaryna jáne Dúnıejúzilik azyq-túlik uıymy men Dúnıejúzilik densaýlyq saqtaý uıymynyń tamaqtaný talaptaryna sáıkes jasalǵan.
«Osyǵan baılanysty, balalar tutyný qorjynyn jeke esepteýdi merziminen buryn dep sanaımyz», - dedi Eraly Toǵjanov.
