Balalardyń terezeden qulaýy alańdatady –TJK
NUR-SULTAN. QazAqparat - Balalardyń terezeden qulaǵan oqıǵalardyń jıi oryn alýy Tótenshe jaǵdaılar komıtetin alańdatyp otyr, dep habarlaıdy QazAqparat atalmysh vedomstvonyń baspasóz qyzmetine silteme jasap.
Ashyq terezelerde balanyń qaýipsizdigi máselesi óte ózekti. Balalar ashyq terezelerge umtylady, óıtkeni olar qanshalyqty qaýipti ekenin oılamaıdy.
Qutqarýshylar júrgizgen profılaktıkalyq jumystarǵa qaramastan, osyndaı oqıǵalardyń sany ósýde. Máselen, aǵymdaǵy jyldyń 4 aı ishinde kóppáterli turǵyn úılerdiń terezesinen 2-den 8 jasqa deıingi 14 bala qulaǵan. Oqıǵa Qaraǵandy (3), Nur-Sultan qalasynda (3), Pavlodar (2), Jambyl (2) oblystarynda, Almaty qalasynda (2), Batys Qazaqstan (1), Aqtóbe (1) oblystarynda oryn aldy.
Tek aǵymdaǵy jylǵy sáýir aıynda respýblıkada kóppáterli turǵyn úılerdiń terezesinen 2-8 jas aralyǵyndaǵy balalardyń qulaýynyń 8 oqıǵasy tirkelgen. Oqıǵa Qaraǵandy (3), Jambyl (2) oblystary,Nur-Sultan qalasy (2) jáne Pavlodar (1) oblysynda oryn alǵan.
16 mamyrda elimizde balalardyń terezeden qulaǵan 2 oqıǵasy tirkeldi. Máselen, Nur-Sultan qalasynda Momyshuly kóshesi boıynda alty qabatty turǵyn úıdiń besinshi qabatyndaǵy páterdiń terezesinen eresek adamnyń qaraýynsyz qalǵan 2016 jyly týǵan bala qulap, oqıǵa ornynda kóz jumdy.
Ekinshi oqıǵa Tarazda 7 shaǵynaýdanynda bolǵan. Bes qabatty turǵyn úıdiń tórtinshi qabatyndaǵy terezeden eresek adamnyń qaraýynsyz qalǵan 2018 jyly týǵan bala qulap ketken. Ol aýyr jaraqatpen aýrýhanaǵa jatqyzyldy.
2019 jyly 2-13 jas aralyǵyndaǵy balalardyń úılerdiń terezesinen qulaǵan 100-den astam oqıǵasy tirkeldi.
Balalar úıde bolǵanda birinshi kezekte olardyń ata-anasyna qaýipsizdik qaǵıdalaryn saqtaý kerek. Árbir ata-ana balanyń terezeden nemese balkonnan qulaýynyń qaýip-qaterin azaıtýǵa arnalǵan sharalardy bilýi qajet.
1. Úıde kishkentaı bala bolsa, terezeni ashyq qaldyrmańyz, sebebi nazaryńyzdy birneshe sekýndqa basqa jaqqa aýdarsańyz bolǵany, ol bala ómirindegi sońǵy sátke aınalýy nemese múgedek bolyp qalýy múmkin.
2. Terezeni tıisti qorǵaýsyz moskıt torlaryn qoldanbaý - balalar senimdi tirek retinde qabyldaı otyryp, olarǵa súıenýdi jaqsy kóredi, sodan keıin olarmen birge syrtqa qulaıdy.
3. Balanyń ózdiginen terezeni ashýyna kedergi keltiretin qaýipsizdik qulypyn ornatyńyz.
4. Balanyń tereze astyna kirmeýi jáne tómen túspeýi úshin tereze janyna jıhaz qoımańyz.
5. Balkon nemese bólme aralyq shyny esikterdiń janynda jınaý barysynda zattardy retsiz qoıýǵa bolmaıdy, sebebi bala súrinip, jaraqat alýy múmkin.
6. Balalarǵa qaýipsizdik sabaqtaryn úıretý. Eresek balalardy kishilerge qaraýǵa úıretý.
7. Balalarǵa qaýipsizdik sabaqtaryn oqytý mańyzdy. Eresek balalardy kishkentaı balalarǵa qaraýdy úıretińiz.
8. Terezeniń astyna jasyl kóshetter otyrǵyzý, ásirese, eger siz jeke úıde tursańyz, onda balanyń terezeden túsken jaǵdaıda qonýdy jeńildetedi.
9. Terezelerge balanyń óz betinshe terezesin ashýǵa kedergi keltiretin kilt bar blokıratorlar nemese tereze tutqalaryn ornatý.
